موږ څوک یو؟
حیات ( د ځوانانو او لویانو د درملني لپاره روغتیا او امبولانس) یوه غیرسیاسي اوغیر دولتي مؤسسه ده چي په 2020 عیسوي کال د اقتصاد وزارت سره په ( 5458) راجسټریشن نمبر راجستر سوې ده. زموږ لومړنی تمرکز د میندو روغتیا او هوسایني، تر 14 کلونو عمرلرونکي ماشومانو ته وده ورکول دي. موږ د پام وړ ننګوني پیژنو چي دا زیان منونکي ډلي ورسره مخ دي. په ځانګړې توګه روغتیا ته د پاملرني، تعلیم او بنسټیزو زیربناوو ته د لاسرسي په اړه. په حیات مؤسسه کي موږ ددې تشي د ډکولو لپاره لیواله یو چي د مناسبو سرچینو په برابرولو سره هغو کسانو ته چي ورته اړتیا لري، موږ پلان لرو چي په خپلو کاري ساحو کي ټولو میندو او ماشومانو ته د لوړ کیفیت پاملرني او زده کړي خدمتونه وړاندي کړو. موږ موجوده ستونزي ارزوو او د هري ټولني اړتیاوو سره سم حلونه رامنځته کوو. موږ باور لرو چي هره ښځه او ماشوم باید د ټولنیز او اقتصادي وضعیت په پام کي نیولو پرته اړین روغتیایي پاملرني، د ژوند خوندي او ډاډمن چاپیریال او باکیفیته زده کړو ته لاسرسی ولري.
زموږ اداره د ژوند د مساوي چاپیریال رامنځته کولو ته وقف سوې چي بې وزله میرمني او ماشومان پیاوړي کوي تر څو خپل بشپړ ظرفیت ته ورسیږي.
د میندو او ماشومانو سره زموږ د کارسربیره د حیات مؤسسه ژمنه ده چي په افغانستان کي د ټولو زیان منونکو خلکو لپاره عمومي ټولنیزي او اقتصادي پراختیا ته وده ورکړي. موږ کولای سو په ګډه کار کولو او د خپل ټولییز واک په کارولو سره د ټولو افغانانو لپاره روښانه راتلونکی جوړ کړو.
پس منظر
په تیرو دوو لسیزو کي په افغانستان کي د مړیني لوړه کچه د پام وړ اندیښنه ده . او دا ډیری وختونه روغتیایي اسانتیاوو ته د لاسرسي نشتوالی، په ځانګړې توګه په کلیوالو سیمو کي! مثلآ : په کندهار کي هره ورځ نژدې 162 ماشومان زیږي او په دغه ولایت کي رواني جګړې د مؤسسو لپاره پر وخت روغتیایي خدمتونه وړاندي کول ستونزمن کړي.سربېره پردې په کلیوالو سیمو کي ډیری خلک د روغتیایي پاملرني اهمیت څخه خبرتیا نلري. دوی د کلتوري باورونو له امله د شته خدمتونو کارولو څخه ډډه کوي چي د میندو د غیر ضروري مړیني لامل کیږي.
ددې ستونزي د حل لپاره د حیات مؤسسه په 2020 کي تآسیس سوه تر څو اړمنو خلکو ته د پام وړ روغتیایي خدمتونه وړاندي کړي. سازمان د ګرځنده روغتیایي خدماتو سره پیل کړی چي کولای سي په چټکۍ سره کلیوالو سیمو ته ورسیږي او د مړیني د مخنیوي اهمیت په اړه د ټولنیز پوهاوي لوړولو لپاره یو پروګرام شروع کړي. د مؤسسې د خدمتونو له لاري په کندهار ولایت کي د مړیني د کچي په تدریجي کمښت سره ټیم په کلیوالو سیمو کي د ویني بانکونو ته اړتیا په ګوته کړه او یو شمېر یې تآسیس کړه . رضاکاران په منظمه توګه د ویني ورکولو ته هڅول د ټولنیز پوهاوي په پروګرامونو کي برخه اخیستل، سربېره پردې، دا سازمان د ویني بانکونو پراخول او ټولنیزو رسنیو کمپاینونه پیلول زموږ مهم فعالیتونه دي.
په کندهار ولایت کي د حیات مؤسسې د ویني بانک او ګرځنده امبولانس پروګرامونه بریالي سول. دغه سازمان په پام کي لري چي خپل خدمات پراخ کړي او په ټول افغانستان کي ډیرو خلکو ته ورسیږي. تر 2021 پوري د ټولنیز پوهاوي پروګرام د پام وړ وده کړې. د ډیرو خلکو سره روغتیایي خدماتو په لټه کي یو او د سازمان د ګرځنده امبولانسونو لخوا چمتو سوي محرمیت د خدماتو اهمیت پیژني.
لکه څنګه چي د روغتیایي پاملرني خدماتو غوښتني وده کړې، امبولانسونه هم ډیر سوي. د حیات مؤسسې موخه داده چي په افغانستان کي خلکو ته لا زیاتي ګتي ورسوي چي پیل یې د هیواد له جنوبي سیمو څخه دئ.
ارزښتونه
د حیات مؤسسه د فزیکي ملاتړ او ظرفیت جوړوني نوښتونو له لاري د دوامداره اقتصادي پیاوړتیا صحيح چاپیریال او د ښځو او ماشومانو لپاره د غوره زده کړي د رامنځته کولو لپاره زموږ لید او ماموریت ته ژمن دئ . موږ د لاندي اصلي ارزښتونو په جذبولو سره دې هدف ته د رسیدو باور لرو.
- صداقت : موږ د خپل کار په ټولو اړخونو کي لوړ اخلاقي معیارونه ځان ته ساتو، ډاډ ترلاسه کوو چي زموږ کړني تل د ارزښتونو سره سمون لري.
- متقابل احترام : موږ د هر فرد وقار ، انفرادیت او تنوع ته ارزښت ورکوو چي موږ ورسره کار کوو او له هر چا سره په خورا درناوي او خواخوږۍ چلند کوو.
- روڼتیا او حساب ورکول : موږ په اخلاص او صادقانه اړیکو باور لرو، د خپلو شریکانو سره د معلوماتو شریکولو او زموږ د کړنو او پریکړو لپاره حساب ورکوو.
- جذبه : موږ خپل کار ته ژور ژمن یو او هري پروژې او نوښت ته په لېوالتیا او انرژي سره ګورو .
- ژمنتیا : موږ خپل هدف ته وقف یو او په دوامداره توګه هڅه کوو چي زموږ برنامو او خدماتو ته وده ورکړو ترڅو زموږ په ټولنو کي ډیر څه مهم رامنځته سي.
- مساوات: موږ د انصاف او عدالت په وده باور لرو ، فرصتونو او سرچینو ته د مساوي لاسرسي سره د نړۍ رامنځته کولو هڅه کوو .
- وړتیا : موږ د پایلو پر بنسټ یو او زموږ د کار په ټولو اړخونو کي د مؤثریت لپاره هڅه کوو، ډاډ ترلاسه کوو چي ترڅو موږ د خپلو سرچینو اغیز اعظمي کړو.
- ټیم کار: موږ همکارۍ ته ارزښت وکوو او دا پیژنو چي موږ کولای سو د انفرادي په پرتله ډیر څه ترلاسه کړو . موږ په خپل سازمان کي د ټیم کار ډیر هڅوو.
موږ زموږ په سازمان کي ټول اشخاص هڅوو او تمه کوو چي دا ارزښتونه په خپلو ټولو کارونو او تعاملاتو کي عملي وساتي.